Recibiuse requirimento da Sala do Contencioso-Administrativo do Tribunal Superior de Xustiza de Galicia, Sección Terceira, polo que se reclama expediente administrativo correspondente ó recurso número 03/0008207/2000, interposto pola Federación Rexional de Servicios Públicos Unión Xeral de Traballadores, contra o Decreto 180/2000, do 22 de xuño, polo que se modifica a estructura orgánica da Consellería de Agricultura, Gandería e Política Agroalimentaria e do Instituto Lácteo e Gandeiro de Galicia, establecida polo Decreto 25/1998, do 22 de xaneiro, modificado polo Decreto 69/1999, do 18 de marzo.

Esta secretaría xeral, de conformidade co disposto no artigo 49 da Lei da 29/1998, do 13 de xullo, reguladora da xurisdición contencioso-administrativa, acorda a remisión do citado expediente administrativo ó referido tribunal, o que se comunica para un xeral coñecemento de tódolos interesados no procedemento referido e son emprazados para que poidan comparecer como demandados no prazo de nove días ante a Sección Terceira da Sala do Contencioso-Administrativo do Tribunal Superior de Xustiza de Galicia.

Santiago de Compostela, 24 de outubro de 2000.

Ángel Bernardo Tahoces

Secretario xeral da Consellería de Agricultura,

Gandería e Política Agroalimentaria