De conformidade co establecido no artigo 43 do Regulamento de montes, do 22 de febreiro de 1962, e á vista do disposto no artigo 13 da Lei 13/1989, do 10 de outubro, de montes veciñais en man común e no Real decreto 1535/1984, do 20 de xuño, polo que se transfiren á Comunidade Autónoma de Galicia competencias en materia de conservación da natureza, esta consellería, logo da proposta da Dirección Xeral de Montes e Medio Ambiente Natural,

DISPÓN:

Artigo único.-Dar de baixa do Catálogo de Montes de Utilidade Pública, por quedar firme a resolución do Xurado Provincial de Montes Veciñais en man común que os clasifica como veciñais en man común, os que se relacionan seguidamente:

Número: 58-1.

Concello: Pantón.

Nome: Sobreira.

Pertenza: Vilar de Ortelle.

Límites.

Norte: predios da parroquia.

Leste: predios da parroquia.

Sur: rego de Aguianzo.

Oeste: predios particulares.

Especie: carpaza e queiroga.

Cabida total: 80 ha.

Cabida forestal: 80 ha.

Número: 58.

Concello: Pantón.

Nome: Sampaio.

Pertenza: parroquia de Santiago de Cangas e outros.

Límites.

Norte: con predios particulares.

Leste: con predios particulares.

Sur: con predios particulares.

Oeste: con predios particulares.

Especie: queiroga.

Cabida total: 940 ha.

Cabida forestal 940 ha.

Número: 68.

Concello: Quiroga.

Nome: río Cabanas.

Pertenza: parroquia de San Salvador de Pacios da Serra.

Límites.

Norte: con monte público de Folgoso, Vilarvacio e Santa Eufemia.

Leste: con monte público de Folgoso, Vilarvacio e Santa Eufemia.

Sur: con predios particulares.

Oeste: con monte público de Penas Rubias.

Especie: queiroga.

Cabida total: 110 ha.

Cabida forestal: 110 ha.

Disposición derradeira

Esta orde entrará en vigor o día seguinte ó da súa publicación no Diario Oficial de Galicia e en contra dela, poderase interpoñer recurso de reposición con carácter potestativo perante o conselleiro de Medio Ambiente no prazo dun mes, ou ben interpoñer directamente o recurso contencioso-administrativo perante o Tribunal Superior de Xustiza de Galicia no prazo de dous meses, de acordo co disposto nos artigos 109 e 116 da Lei 30/1992, do 26 de novembro, de réxime xurídico das administracións públicas e do procedemento administrativo común, e nos artigos 10 e 46 da Lei 29/1998, do 13 de xullo, da xurisdicción contencioso-administrativa, ou exercer calquera outro que se coide pertinente.

Santiago de Compostela, 2 de novembro de 2000.

José Carlos del Álamo Jiménez

Conselleiro de Medio Ambiente