Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: avenida de García Barbón, 38, 36201 Vigo.

Denominación: L.M.T. e C.T. Otero Pedrayo 5.

Situación: Vigo.

Descricións técnicas: L.M.T., subterránea, a 15 kV, de 90 m de lonxitude, con conductor tipo R.H.V., desde a liña BAL 7.17 á altura do cruzamento das rúas Otero Pedrayo e Gerona, entre os CC.TT. Alfonso X O Sabio e Barcelona II, alimentando en bucle o C.T. que se proxecta na rúa Otero Pedrayo 5, do concello de Vigo, rematando no punto de inicio da liña. C.T. de 630 kVA, relación de transformación 15 kV-380/220 V.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características

se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén pode interpor calquera outro recurso que considere pertinente ó seu dereito.

Pontevedra, 21 de setembro de 2000.

Carmen Bianchi Valcarce

Delegada provincial de Pontevedra