Recibida providencia do Xulgado do Contencioso-Administrativo número un da Coruña, pola que se reclama o expediente relativo ó recurso contencioso-administrativo de procedemento abreviado 309/2000-3, interposto por José Luis Pernas Permuy, contra a Resolución do 4 de setembro de 2000, pola que convocan a concurso de traslados prazas vacantes de oficiais, auxiliares e axentes da Administración de xustiza.

Esta Dirección Xeral de Xustiza, de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, acorda a remisión do citado expediente administrativo ó referido órgano xudicial, o que se notifica para un xeral coñecemento de tódalas persoas interesadas no procedemento referido e son emprazados para que poidan comparecer como parte ante o Xulgado do Contencioso-Administrativo número un da Coruña no prazo de nove días.

Santiago de Compostela, 25 de outubro de 2000.

Mª Reyes Carabel Pedreira

Directora xeral de Xustiza