Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: avda. de García Barbón, 38, 36201 Vigo.

Denominación: L.M.T. e c. seccionamento en polígono A Granxa-parcela MXIX.

Situación: O Porriño.

Descricións técnicas: L.M.T., subterránea, a 15 kV, de 2.182 m de lonxitude, desde a Galería ó C.T. N.1 do polígono ata o C.T. N.6 do mencionado polígono. L.M.T., subterránea, a 15 kV de 290 m de lonxitude, con conductor tipo R.H.V., desde a L.M.T. ATI 702, entre os CC.TT. N.5 e 6 do polígono A Granxa ata o c. seccionamento que se proxecta no C.T Granitos Ibéricos. C. de reflexión situado no C.T. N.6 do polígono A Granxa. C. seccionamento

de Granitos Ibéricos situado na parcela MXIX do polígono A Granxa. Toda a instalación está situada no concello do Porriño.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén pode interpor calquera outro recurso que considere pertinente ó seu dereito.

Pontevedra, 13 de setembro de 2000.

Carmen Bianchi Valcarce

Delegada provincial de Pontevedra