Aprobados inicialmente pola Comisión de Goberno, en sesión do 5 de outubro de 2000, os pregos de cláusulas administrativas así como as prescricións técnicas que rexerán o concurso público urxente e procedemento aberto para a redacción do Plan xeral de ordenación municipal do Concello de Vila de Cruces (Pontevedra), expóñense ó público por un prazo de oito días hábiles, para os efectos de que os interesados poidan examinalos e formula-las alegacións que consideren oportunas. Pola súa vez convócase licitación pública para a adxudicación do citado concurso, que quedaría aprazada no suposto de presentarse reclamacións ó prego, continuándose, o que reste, a partir do día seguinte ó da resolución das reclamacións.

Obxecto: é a adxudicación, mediante concurso polo procedemento aberto, do contrato de consultoría e asistencia para a redacción do Plan xeral de ordenación municipal do Concello de Vila de Cruces (Pontevedra), coa documentación e contido que se definen na Lei 1/1997, do 24 de marzo, do solo de Galicia, no Regulamento de planeamento e no prego de cláusulas.

Tipo de licitación: é de 13.700.000 pesetas.

Prazo de entrega: doce meses.

Garantías: a provisional establécese en 274.000 pesetas, e a definitiva igual ó 4% do importe de adxudicación.

Presentación de proposicións: presentaranse na secretaría do concello das 9 ás 13 horas, durante o prazo de 13 días naturais, contados desde o día seguinte ó da publicación deste anuncio no BOP. Cando se presente algunha proposición económica por procedemento administrativo, o licitador deberá comunicalo inescusablemente, anunciándoo por fax ó concello, dentro do prazo para a presentación de proposicións.

Apertura de plicas: terá lugar ás nove horas do segundo día hábil seguinte a aquel no que termine o prazo de presentación de proposicións. Se este fose sábado, terá lugar o primeiro día hábil seguinte.

Criterios de adxudicación: serán os fixados na correspondente cláusula do prego de condicións.

Modelo de proposicións: o recollido na correspondente cláusula do prego. Os licitadores presentarán simultanemante coa proposición e en sobre á parte e pechado os documentos que se indican na referida cláusula.

Forma de pagamento e financiamento: véxase o prego de condicións.

Vila de Cruces, 5 de outubro de 2000.

O alcalde-presidente

Rubricado