Mediante Resolución do 5 de outubro de 2000 publicáronse as relacións definitivas de aspirantes admitidos e excluídos ás probas selectivas para o ingreso no corpo de xestión de Administración da Xunta de Galicia, grupo B (DOG nº 199, do 13 de outubro).
Tendo en conta o número de prazas ofertadas (3) e o contido da base I.1.2. da convocatoria (Orde do 5 de xuño de 2000) non cabe reservar ningunha praza para a quenda de discapacitados.
Detectado que na publicación das referidas listas de admitidos e excluídos se inclúe unha columna na que se fai referencia a antedita quenda, procédese, de conformidade co artigo 105, da Lei de réxime xurídico das administracións públicas e do procedemento administrativo común, a corrixi-lo erro detectado e polo tanto á supresión da columna correspondente á quenda de discapacitados, así como o seu contido.
Santiago de Compostela, 9 de novembro de 2000.
Joaquín López-Rúa Soler
Director xeral da Función Pública