O Decreto 203/2000, do 21 de xullo, polo que se regula a estructura orgánico - funcional do Instituto Galego de Estatística, (DOG nº 151, do 4 de agosto), adecua a estructura orgánica do devandito instituto á realidade actual derivada da aprobación pola Lei 6/1997, do 31 de xullo, do Plan Galego de Estatística 1998-2001. Todo isto fai necesario aprobar unha nova relación de postos de traballo do Instituto Galego de Estatística.
En consecuencia, por proposta da Consellería de Economía e Facenda, consultadas as organizacións sindicais presentes na Mesa Xeral de Negociación da Comunidade Autónoma de Galicia e a Comisión de Persoal, o Consello da Xunta de Galicia na súa reunión do vinteseis de outubro de dous mil, adoptou o seguinte
ACORDO:
1. Aproba-la nova relación de postos de traballo do Instituto Galego de Estatística da Consellería de Economía e Facenda, nos termos que se sinalan no anexo ó presente acordo.
2. Ordena-la súa publicación no Diario Oficial de Galicia para efectos da súa entrada en vigor a partir do día seguinte a ela.
3. Clasificar como postos de libre designación, de acordo coas motivacións que se especifican os seguintes:
Código: EF.A01.00.000.15770.001.
Denominación: secretario/a de director.
Motivación: artigo 6 da orde da Consellería da Presidencia e Administración Pública do 21 de novembro de 1989 (DOG nº 232, do 4 de decembro). Posto de confianza.
Código: EF.A01.00.001.15770.011.
Denominación: xefe Sección de Contabilidade e Habilitación.
Motivación: posto de especial responsabilidade polo manexo de fondos públicos.
4. Deixar sen efecto a relación de postos de traballo do Instituto Galego de Estatística publicado no DOG nº 172, do 8 de setembro de 1997.
Visto o acordo adoptado polo Consello da Xunta de Galicia na súa reunión do vinteseis de outubro de dous mil, relativo á modificación da relación de postos de traballo do Instituto Galego de Estatística da Consellería de Economía e Facenda, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 27 de outubro de 2000.
Jaime Pita Varela
Conselleiro da Presidencia e Administración
Pública