Vista a solicitude presentada por Juan Manuel Cancela Sánchez en representación da Asociación Provincial de Talleres de Reparación de Vehículos de A Coruña e a documentación anexa, na que solicita que lle sexa concedida a cualificación de entidade recoñecida para imparti-la formación de profesionais do sector de automóbiles.

Considerando que se cumpriron os requisitos regulamentarios establecidos no artigo 4.bis do Decreto 206/1994, do 16 de xuño (DOG do 6 de xullo), polo que se adapta a normativa vixente en materia de prestación de servicios nos talleres de reparación de vehículos e dos seus equipos e compoñentes, modificado polo Decreto 347/1998, do 20 de novembro.

A Dirección Xeral de Industria

RESOLVE:

Outorgarlle á Asociación Provincial de Talleres de Reparación de Vehículos de A Coruña a cualificación de entidade recoñecida para imparti-la formación de profesionais do sector de automóbiles, e inscribila no rexistro de entidades acreditadas para iso.

Para imparti-la formación presentará, perante a Delegación Provincial de Industria e Comercio da provincia correspondente, fotocopia desta resolución, táboa de tarefas e programación de cursos previstos.

Para efectos estatísticos e de control, presentará nas delegacións provinciais de Industria e Comercio onde exerza a súa actividade unha memoria anual de actuacións e nesta dirección xeral un resumo delas na Comunidade Autónoma.

Esta autorización deberá renovar ós dous anos, para o que acreditará perante esta Dirección Xeral de Industria e Comercio o cumprimento dos requisitos esixidos na autorización inicial.

Santiago de Compostela, 2 de outubro de 2000.

Ramón Ordás Badía

Director xeral de Industria