Rematado o prazo fixado na resolución da Dirección Xeral da Función Pública do 23 de xuño de 2000, pola que se publicaban as correccións de erros materiais nas listas para a cobertura con carácter temporal, mediante o nomeamento de persoal interino, de postos de traballo reservados a funcionarios, reguladas no Decreto 89/1997, do 10 de abril, e

correspondentes ó corpo superior de Administración da Xunta de Galicia (grupo A), lista B, que modifica a do 7 de xuño de 2000, e vistas pola Comisión Permanente de Selección de Persoal Funcionario, na súa sesión do día 26 de outubro de 2000, as alegacións formuladas polos interesados, esta dirección xeral

RESOLVE:

Primeiro.-Facer pública como anexo I a esta resolución a relación de aspirantes que foron excluídos das listas, que emendaron a causa de exclusión en tempo e forma. De conformidade co disposto no artigo 4.3º do Decreto 89/1997, do 10 de abril, e na base 2ª da Resolución do 1 de marzo de 2000, a Comisión Permanente de Selección de Persoal Funcionario establece o número máximo de aspirantes admitidos naqueles que teñan unha puntuación igual ou superior a 0,75 puntos.

Segundo.-Facer público como anexo II a esta resolución a relación de aspirantes que, de acordo coa do 23 de xuño de 2000, foron non admitidos na lista ou non figuraban en ningunha relación e, unha

vez vista a súa alegación, pasaron a integrarse na lista de admitidos.

Terceiro.-Os solicitantes relacionados nos anexos I e II que superaron a puntuación de 0,75 puntos estarán obrigados, no prazo de 5 días hábiles (artigo 50 da Lei 30/1992, do 26 de novembro), contados a partir do día seguinte ó da publicción deste anuncio no Diario Oficial de Galicia, a remitirlle á Dirección Xeral da Función Pública o xustificante do aboamento das taxas que a continuación se expresa.

-Grupo A: 7.525 pesetas.

Os que así non o fixesen no prazo indicado serán excluídos automaticamente das listas.

Estarán exentos do aboamento de taxas por dereito de inscrición os que foron admitidos no último proceso selectivo para o acceso á mesma categoría, de acordo coa base terceira da resolución da Dirección Xeral da Función Pública do 1 de marzo de 2000.

Así mesmo, gozarán da exención desta taxa as persoas con discapacidade igual ou superior ó 33%, logo de xustificación documental.

Os que non o fixesen así no prazo sinalado, serán excluídos automaticamente das listas.

Os interesados disporán dun prazo de cinco días hábiles (artigo 50 da Lei 30/1992, do 26 de novembro), contados a partir do día seguinte ó da publicación desta resolución no DOG, para a emenda de erros que puidesen existir na puntuación relacionada no anexo ou formula-las alegacións que consideren oportunas, que deberán dirixir á Comisión Permanente de Selección de Persoal Funcionario (Dirección Xeral da Función Pública).

Santiago de Compostela, 27 de outubro de 2000.

Joaquín López-Rúa Soler

Director xeral da Función Pública

ANEXO I

ANEXO II