O Consello da Xerencia Municipal de Urbanismo, en sesión do 19 de outubro de 2000, adoptou, entre outros, o seguinte acordo:

Primeiro.-Aprobar inicialmente o estudio de detalle de ordenación de volumes dunha parcela do ámbito do cuarteirón nº 54 do PEEC, rúas de Lugo e López de Neira, segundo documentación presentada pola entidade mercantil Inmobiliaria Durán Gómez, S.A., redactada polo arquitecto Gabriel Santos Zas, visado polo colexio correspondente con datas do 29-10-1999 e 6-6-2000.

Segundo.-Somete-lo expediente a información pública durante o prazo dun mes, mediante publicación de anuncios no DOG e nun dos xornais de maior circulación da provincia, con notificación individual ó propietario afectado.

Terceiro.-Requiri-la entidade mercantil Inmobiliaria Durán Gómez, S.A., para que presente ante esta Xerencia de Urbanismo a documentación precisa para tramita-lo correspondente proxecto de obras ordinarias da rúa Lugo, na que se inclúa unha relación individualizada de bens e dereitos para efectos se é o caso, de expropiación.

O prazo de exposición ó público entenderase aberto desde a primeira publicación ata o remate do mes contado desde o derradeiro anuncio. A documentación atópase na oficina de Información da Xerencia Municipal de Urbanismo ó dispor do público, planta baixa do edificio da xerencia.

Este anuncio servirá de notificación nos termos do artigo 59 da Lei de réxime xurídico das administracións pública e do procedemento administrativo común para tódolos propietarios e interesados directamente afectados que, por resultaren descoñecidos ou ingnorado o seu enderezo, non poidan ser notificados persoalmente.

Vigo, 25 de outubro de 2000.

Lóis Pérez Castrillo

Alcalde-presidente da Xerencia Municipal

de Urbanismo