Ó abeiro do establecido na Lei 16/1987, do 30 de xullo, de ordenación dos transportes terrestres, e no seu Regulamento de execución, aprobado polo Real decreto 1211/1990, do 28 de setembro, inicióuse expediente de modificación concesional (ampliación de tráficos) solicitando, na concesión do servicio público regular permanente de uso xeral de transporte de viaxeiros por estrada V-7058; XG-432, A Coruña-Fisterra, con anexos, da titularidade da empresa Transportes Finisterre, S.A., a realización dos seguintes servicios:
-Caión-A Laracha-Carballo-Santiago de Compostela.
-A Coruña-Polígono de Sabón-Carballo-Santiago de Compostela.
-Castrillón-Razo-Carballo-Santiago de Compostela.
-Corme-Malpica-Carballo-Santiago de Compostela.
-Laxe-Ponteceso-Carballo-Santiago de Compostela.
Os interesados ou afectados no expediente poderán comparecer no procedemento e, tralo exame da documentación pertinente no Servicio Provincial de Transportes da Coruña (estación de autobuses), efectua-las alegacións que estimen oportunas no prazo dun mes contado a partir do día seguinte ó da publicación deste anuncio no Diario Oficial de Galicia.
Santiago de Compostela, 5 de outubro de 2000.
Juan Carlos Villarino Tejada
Director xeral de Transportes