A Comisión de Goberno, na sesión do 16 de outubro de 2000, acordou someter a información pública as modificacións propostas sobre o proxecto do Plan especial de ordenación de accesos e infraestructuras e nova edificación na estación de Renfe (PE-11), que fora aprobado inicialmente pola Comisión de Goberno o día 22 de febreiro de 1999 e exposto ó público en cumprimento do esixido polo artigo 42.1º da LSG.
Consonte o disposto no artigo 43 da LSG, sométense a información pública, durante o prazo dun mes, as modificacións propostas no plan especial de referencia e que se concretan en:
-Adaptación do ámbito de ordenación do PE-11 á modificación do plan xeral, aprobada definitivamente o 30 de marzo de 2000.
-Nova disposición das edificacións previstas no lado sur da rúa do Hórreo e avda. de Lugo, con variación dos usos e condicións de edificación establecidas.
-Substitución do sistema de compensación polo de cooperación no polígono 2 do plan especial, afectando os seguintes propietarios:
Parcela Propietarios Superficie
1 Renfe 9.398 m
2 Koipe 8.178 m
3.1 Joaquín Yebra-Pimentel Vidal 326,5 m
3.2 Mª Dominga Cepeda Vidal 465 m
3.3 Hros. Quintáns 460,5 m
4 Dolores Otero Mato 361 m
5 Gabriel Guerra 293 m
6 JML de Economía, S.L. 109 m
7 Jaime e Ramón Otero Cariton 33 m
Durante o prazo dun mes, contado desde o día seguinte ó da publicación deste anuncio no Diario Oficial de Galicia, os interesados poderán consulta-lo expediente na Sección de Planeamento e Xestión e formular por escrito as alegacións que xulguen oportunas.
Este anuncio servirá de notificación en forma legal, ó abeiro do previsto no artigo 42.6º da LGS, ós propietarios antes citados que, por descoñecerse o seu paradoiro ou identidade, non poidan ser citados persoalmente ó trámite de información pública.
Santiago de Compostela, 19 de outubro de 2000.
Luis Toxo Ramallo
Tenente alcalde