En cumprimento da legalidade vixente, anúnciase concurso público para a contratación da subministración e instalación de equipamento de material de oficina para o Igape.

1. Entidade adxudicadora.

a) Organismo: Instituto Galego de Promoción Económica (Igape), barrio de San Lázaro, s/n. 15703 Santiago de Compostela. Teléfono: 981 54 11 01, fax: 981 54 10 92.

b) Número de expediente: CP nº 18/2000.

2. Obxecto do contrato: subministración e instalación de equipamento de material de oficina para o Igape, coa seguinte desagregación en lotes:

Lote 1: 1 copiadora dixital B/N para sala C-20.

Lote 2: 1 canón de vídeo de mínimo 800 lumens.

Lote 3: 1 armario ignífugo.

Lote 4: 12 mamparas modulares e 20 pezas de unión.

Lote 5: 1 encadernadora eléctrica para sala D-17.

Lote 6: 2 destructoras, para salas B-18 e D-17.

Lote 7: 1 encadernadora eléctrica multifunción para oficina de Ferrol e delegacións.

Lote 8: 2 grampadoras eléctricas para delegacións.

Lote 9: 1 caixa forte de seguridade.

Prazo de instalación e posta en marcha do equipamento contratado: o establecido na oferta técnica do adxudicatario, que non excederá o 31 de decembro de 2000.

3. Tramitación, procedemento e forma de adxudicación.

a) Tramitación: urxente.

b) Procedemento: aberto.

c) Forma: concurso público.

4. Orzamento máximo total de licitación: 8.395.000 pesetas (oito millóns trescentas noventa e cinco mil pesetas), IVE incluído, coa seguinte desagregación por lotes:

Lote 1: prezo máximo: 4.000.000 de pesetas, IVE incluído. Máximo anual por copias: 345.000 pesetas, IVE incluído.

Lote 2: prezo máximo: 1.400.000 pesetas, IVE incluído.

Lote 3: prezo máximo: 350.000 pesetas, IVE incluído.

Lote 4: prezo máximo: 750.000 pesetas, IVE incluído.

Lote 5: prezo máximo: 600.000 pesetas, IVE incluído.

Lote 6: prezo máximo: 400.000 pesetas, IVE incluído.

Lote 7: prezo máximo: 160.000 pesetas, IVE incluído.

Lote 8: prezo máximo: 140.000 pesetas, IVE incluído.

Lote 9: prezo máximo: 250.000 pesetas, IVE incluído.

5. Garantía provisional: 2% do orzamento máximo de licitación dos lotes ós que se concorra.

6. Clasificación: non se esixe.

7. Obtención de documentación e información.

a) Entidade: Instituto Galego de Promoción Económica (Igape).

b) Enderezo: Barrio de San Lázaro, s/n.

c) Localidade e código postal: Santiago de Compostela, 15703 A Coruña.

d) Teléfono: 981 54 11 01.

e) Telefax: 981 54 10 92.

f) Data límite de obtención de documentos e información: coincide coa data límite de presentación de ofertas.

8. Presentación das ofertas.

a) Data límite de presentación: o prazo de admisión rematará ás catorce horas do oitavo día natural seguinte ó da publicación do anuncio de concurso no Diario Oficial de Galicia. De coincidir en sábado ou domingo, o prazo entenderase prorrogado ata as catorce horas do seguinte día hábil.

b) Documentación que hai que presentar: a indicada no prego de cláusulas administrativas particulares.

c) Lugar de presentación: en sobre cerrado e selado e dentro do prazo sinalado presentaranse no rexistro xeral do Instituto Galego de Promoción Económica, ou por correo, anunciado ó órgano de contratación a remisión da oferta mediante télex ou telegrama, que debe ter entrada no Igape antes do remate do prazo de presentación de ofertas, e xustificando a data de imposición do envío na oficina de correos.

d) Prazo durante o que o licitador estará obrigado a mante-la súa oferta: corenta e cinco días desde a apertura das ofertas.

9. Variantes: admítense variantes sobre a configuración técnica dos equipos ofertados.

10. Apertura das ofertas: en acto público ás 11.30 horas do quinto día hábil seguinte ó remate do prazo de presentación de ofertas procederase á apertura da documentación administrativa e técnica. En acto público ás 11.30 horas do décimo día hábil seguinte ó remate do prazo de presentación de ofertas procederase á apertura das ofertas económicas, na sede do Instituto Galego de Promoción Económica en Santiago de Compostela.

11. Gastos de anuncios: os gastos dos anuncios serán por conta dos adxudicatarios.

Santiago de Compostela, 24 de outubro de 2000.

Margarita Rodríguez Rama

Directora xeral do Instituto Galego

de Promoción Económica