A Comisión de Goberno do Concello de Viveiro, en sesión que tivo lugar o día 19 de setembro do ano que corre, deu aprobación ó expediente de contratación da obra que a seguir se menciona:
1. Obxecto do contrato: a execución da obra de pavimentación e servicios na rúa Luis Trelles.
2. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma: poxa.
3. Orzamento base de licitación: doce millóns oitocentas dezasete mil duascentas vintenove (12.817.229) pesetas (77.033,10 euros), IVE incluído.
4. Garantías.
a) Provisional: duascentas cincuenta e seis mil trescentas corenta e catro (256.344) pesetas.
b) Definitiva: 4% do importe da adxudicación.
5. Obtención de documentación: o proxecto técnico e os pregos de cláusulas administrativas estarán á disposición de tódolos interesados no Negociado de
Urbanismo e Contratación, sito nos claustros de San Francisco, avda. de Cervantes s/n, das 8 ás 15 horas.
6. Prazo de presentación das proposicións: 13 días naturais seguintes ó da publicación do anuncio no último dos boletíns oficiais (DOG e BOP). No caso de que o día décimo terceiro coincida en sábado, domingo ou festivo, entenderase o prazo prorrogado ata o día laborable seguinte.
7. Gastos de publicidade: serán por conta do adxudicatario.
8. Máis información: chamando ó teléfono: 982 56 20 47, das 8 ás 15 horas.
Viveiro, 28 de setembro de 2000.
Justo Vázquez Chao
Alcalde accidental