O Consello da Xerencia Municipal de Urbanismo, en sesión do día 5 de outubro de 2000, acordou
aprobar inicialmente o proxecto de urbanización da unidade de actuación García Barbón-Roupeiro, presentado pola xunta de compensación, redactado polos arquitectos Mª José Maldonado Tornero, Alberto Iglesias Álvarez e José Mª Catalán Pérez de Lis, e visado polo COAG con datas do 21 de xullo e 2 de agosto de 2000.
Sométese este expediente ó trámite de información pública polo prazo dun mes, a través de publicación no DOG, nun dos xornais de maior circulación da provincia e no taboleiro de anuncios da Xerencia Municipal de Urbanismo, segundo o establecido no artigo 42.1º, significando que o prazo de exposición pública se entenderá aberto desde a primeira publicación ata o remate do mes contado desde o derradeiro anuncio.
A documentación deste expediente atópase ó dispor do público en xeral na Oficina de Información Urbanística, na planta baixa da xerencia.
Este anuncio servirá de notificación, nos termos establecidos no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos aqueles propietarios ou interesados directamente afectados que, por resultar descoñecido ou ignorado o seu domicilio, non poidan ser notificados persoalmente.
Vigo, 19 de outubro de 2000.
Lois Pérez Castrillo
Alcalde-presidente da Xerencia Municipal de Urbanismo