A Comunidade Autónoma de Galicia ten a titularidade dos bens e dereitos que integran as redes, equipos, sistemas e infraestructuras de telecomunicacións da Xunta de Galicia, reflectidos nos anexos ó presente decreto.

Polo Decreto 59/1997, do 20 de febreiro, creouse a sociedade Redes de Telecomunicacións Galegas Retegal, S.A., sendo constituída en escritura pública notarial o 7 de abril de 1998 e asumindo, en virtude do artigo 2 dos seus estatutos, a xestión de infraestructuras, sistemas e servicios de telecomunicación da Xunta de Galicia.

Vistos os informes da Asesoría Xurídica Delegada da Consellería de Economía e Facenda e da Intervención Xeral da Comunidade Autónoma de Galicia.

Á vista do disposto nos artigos 10 e 31 da Lei 3/1985, do 12 de abril, do patrimonio da Comunidade Autónoma de Galicia, e 23 e ss. e 88 e ss. do Decreto 50/1989, do 9 de marzo, pola que se aproba o Regulamento para a execución da dita lei, de conformidade coa proposta do conselleiro de Economía e Facenda e logo de deliberación do Consello

da Xunta de Galicia na súa reunión do día cinco de outubro de dous mil,

DISPOÑO:

Artigo 1º

Desaféctanse do dominio público e adquirirán natureza patrimonial os bens e dereitos que integran as redes, equipos, sistemas e infraestructuras de telecomunicacións da Xunta de Galicia, relacionados nos anexo I e II ó presente decreto.

Artigo 2º

Adscríbense á sociedade pública Redes de Telecomunicación Galegas Retegal, S.A., os bens desafectados no artigo anterior co fin da súa xestión e explotación no ámbito do obxecto social da dita sociedade.

Disposición derradeira

A Consellería de Economía e Facenda, a través da Secretaría Xeral e do Patrimonio, resolverá tódalas incidencias que poidan xurdir na execución deste acordo e levará a cabo tódolos trámites necesarios para a efectividade do disposto no presente decreto.

Santiago de Compostela, cinco de outubro de dous mil.

Manuel Fraga Iribarne

Presidente

José Antonio Orza Fernández

Conselleiro de Economía e Facenda

ANEXO I

ANEXO II