Por así acordalo por resolución da Alcaldía, do 28 de setembro do ano actual, e co obxecto de lle dar cumprimento ó establecido no artigo 79 da Lei 13/1995, do 18 de maio, de contratos das administracións públicas, modificada pola Lei 53/1999, anúnciase concurso, por procedemento aberto e trámite de urxencia, para a adxudicación da obra denominada: miradoiro e área de ocio en San Adrián, incluída no Proder conforme o seguinte contido:
1. Obxecto: a contratación da obra miradoiro e área de ocio en San Adrián segundo se especifica
a continuación, mediante concurso con procedemento aberto e trámite de urxencia.
Miradoiro e área de ocio en San Adrián: 17.015.721 pesetas.
2. Prazo de execución: 4 meses.
3. Tipo de licitación: 17.015.721 pesetas.
4. Pagamento: con cargo á partida orzamentaria 1999.751.1.601.
5. Garantía provisional: 2% do tipo de licitación 340.314 pesetas.
6. Garantía definitiva: 4% do tipo de licitación 680.628 pesetas.
7. Clasificación empresarial:
8. Presentación de proposicións: trece días naturais, contados desde o día seguinte ó da publicación do anuncio no BOP e DOG, por declararse de urxencia o expediente, mediante resolución da Alcaldía do 28 de setembro do ano actual.
9. Apertura de proposicións: o quinto día hábil seguinte ó da finalización do prazo de presentación de proposicións salvo que coincida en sábado; neste caso realizarase o día hábil seguinte ás 13 horas.
10. Modelo de proposición: segundo o establecido no prego de cláusulas administrativas aprobadas pola deputación e publicadas no BOP nº 77, do 3 de abril de 2000.
Malpica de Bergantiños, 28 de setembro de 2000.
José R. Varela Rey
Alcalde