Convocada a provisión, polo sistema de libre designación, de dous postos de traballo vacantes na Consellería de Educación e Ordenación Universitaria pola Orde do 21 de agosto de 2000 (DOG nº 170, do 1 de setembro).

Esta consellería, no uso das facultades e atribucións conferidas polos artigos 15.4º e 27.2º da Lei da función pública de Galicia, e os artigos 16 e 17 do Decreto 93/1991, do 20 de marzo,

DISPÓN:

Primeiro.-Resolve-la convocatoria para a provisión, polo sistema de libre designación, de dous pos

tos de traballo vacantes na Consellería de Educación e Ordenación Universitaria, anunciada pola Orde do 21 de agosto de 2000.

Segundo.-Adxudicarlle destino no posto de traballo que se indica ó funcionario que se relaciona no anexo desta orde.

Terceiro.-O cesamento no actual destino do funcionario que obtivo a praza producirase no prazo de tres días contados a partir do seguinte ó da publicación desta orde no Diario Oficial de Galicia.

A toma de posesión da praza adxudicada deberá realizarse no prazo dos tres días seguintes ó do cesamento, se se trata da mesma localidade na que presta os seus servicios o funcionario, ou no prazo dun mes se se trata de distinta localidade, conforme o establecido no artigo 14 do Decreto 93/1991, do 20 de marzo.

Cuarto.-A xefatura de persoal do centro onde cause alta o funcionario realizará, dentro dos prazos sinalados nos puntos anteriores, a dilixencia de toma de posesión, e seguidamente levaranse a cabo os trámites necesarios para a entrada en nómina.

Das dilixencias efectuadas darase traslado, mediante fotocopia, á Dirección Xeral da Función Pública.

Quinto.-Declarar deserta a provisión do posto de traballo de Xefe do Servicio Provincial de Inspección en Ourense, código ED.C99.10.000.32001.108.

Contra esta orde, que pon fin á vía administrativa, os interesados poderán interpoñer potestativamente recurso de reposición perante o conselleiro de Educación e Ordenación Universitaria, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán interpoñer directamente recurso contencioso-administrativo perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 9 de outubro de 2000.

Celso Currás Fernández

Conselleiro de Educacion e Ordenación Universitaria

ANEXO

Denominación e código do posto: xefe do Servicio Provincial de Inspección. ED.C99.10.000.27001.121.

Dependencia: Delegación provincial.

Localidade: Lugo.

Grupo: A.

Nivel: 28.

Corpo ou escala: Corpo de Inspectores de Educación.

Apelidos e nome: Abella García, María Luz.

Número de rexistro: A14EC000000712. 34.706.203.