Para os efectos previstos na Lei 54/1997, do 27 de novembro, e no artigo 9 do Decreto 2617/1966, sométese a información pública a petición de autorización da instalación eléctrica que se describe:
Solicitante: BEGASA.
Domicilio social: r/ Cidade de Viveiro 4-1º, 27002 Lugo.
Denominación: reelectrificación dos Pedregás e O Progreso.
Situación: Barreiros.
Descricións técnicas: liña de media tensión a 20 kV en conductor LA-56 de 221 metros de lonxitude, sobre apoios de formigón. Centro de transformación de 50 kVA e relación de transformación 20.000/380-220 V. Rede de baixa tensión e conductor R.Z. de 2.000 metros de lonxitude total sobre apoios de formigón.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
Lugo, 12 de setembro de 2000
Jesús Bendaña Suárez
Delegado provincial de Lugo