Requírese:
-Título de licenciatura en Bioloxía, Farmacia ou Medicina.
-Experiencia e coñecementos de criopreservación e en tratamento dos tecidos humanos así como das normas legais que os regulan.
-Valorarase a actividade de investigación en tecidos humanos.
-Dominio do galego falado e escrito.
-Valoraranse positivamente coñecementos de inglés e doutros idiomas.
Proceso de selección:
-Currículum vitae.
-Os candidatos que se axusten ó perfil serán entrevistados pola comisión de selección designada pola fundación.
O posto de traballo é de carácter temporal e o procedemento de contratación faise segundo o disposto no número 1º do artigo 7 da Lei 10/1996, do 5 de novembro, de actuación de entes e empresas nas que ten participación maioritaria a Xunta de Galicia, en materia de persoal e contratación.
Os interesados deberán enviar currículum vitae completo e con documentación compulsada ó Centro de Transfusión de Galicia, r/ Avda. Monte da Condesa s/n 15706 Santiago de Compostela, dirixido ó director técnico da fundación, indicando no sobre a referencia T.S.CRIOP. O prazo de presentación de solicitudes será dun mes desde a publicación deste anuncio no Diario Oficial de Galicia.
Santiago de Compostela, 10 de outubro de 2000.
Roberto García de Villaescusa Collazo
Director técnico da Fundación Centro
de Transfusión de Galicia