A Fundación Pública Urxencias Sanitarias de Galicia-061, anuncia a convocatoria pública dos seguintes
postos para a contratación indefinida do seu cadro de persoal, de acordo coas seguintes bases:
-7 médicos coordinadores. Ref.: MC.
Licenciado en medicina e cirurxía, formación vía MIR, preferentemente medicina de familia e comunitaria, UCI, anestesia e reanimación.
Experiencia en urxencias hospitalarias e/ou extrahospitalarias.
Coñecementos de galego.
Valorarase experiencia acreditada en centrais de coordinación de urxencias sanitarias de ámbito xeográfico de Comunidade Autónoma.
-38 médicos asistenciais. Ref.: MA.
Licenciado en medicina e cirurxía, formación vía MIR, preferentemente medicina de familia e comunitaria, UCI, anestesia e reanimación.
Experiencia en urxencias hospitalarias e/ou extrahospitalarias.
Cursos RCP avanzada en adultos e nenos.
Coñecementos de galego.
-39 ATS/DUE. Ref.: DUE.
Diplomados ATS/DUE con experiencia en urxencias hospitalarias e/ou extrahospitalarias.
Cursos de RCP avanzada en adultos e nenos.
Coñecementos de galego.
-1 titulado superior rama tecnolóxica. Ref.: TC.
Coñecementos de bases de datos SQL Server, tecnoloxías Internet/Intranet (HTML, ASP) e programación en Visual Basic.
Experiencia en elaboración de especificacións e documentación e en ferramentas de presentación de informes Access, Excel.
Experiencia acreditada de polo menos 1 ano en posto similar, preferiblemente no sector sanitario público.
Coñecemento dos idiomas inglés e galego.
-2 licenciados en CC. económicas e/ou empresariais.
Ref.: CTB.
Dominio do programa de contabilidade Novaplus de CCS.
Coñecemento do PXC adaptado ás entidades sen fins lucrativos.
Experiencia mínima acreditada a 3 anos no sector sanitario, preferiblemente público, polo menos un deles en posto similar ó ofertado.
Dominio de Microsoft Office a nivel usuario e coñecementos de galego.
Ref.: RD.
Coñecemento de ferramentas de presentación de informes Access, Excel.
Experiencia mínima acreditada de 3 anos no sector sanitario, preferiblemente público e experiencia en departamento de facturación.
Coñecementos do sector asegurador e do transporte sanitario urxente.
Dominio de Microsoft Office a nivel usuario e coñecementos de galego.
-1 licenciado en CC. da información. Ref.: CI.
Experiencia en manexo de programas Word, Excel e Power Point.
Experiencia en programas de maquetación Illustrator, Freehand, QuarkXPress e Photoshop.
Experiencia acreditada de polo menos 1 ano en posto similar, en sector sanitario preferiblemente público.
Coñecementos de inglés e galego.
-1 diplomado en relacións laborais/graduado social. Ref.: RL.
Experiencia en manexo de programas de nóminas e RR.HH.
Experiencia mínima acreditada de 3 anos en posto similar ó ofertado, polo menos un deles no sector sanitario, preferiblemente público.
Dominio de Microsoft Office a nivel usuario.
Coñecementos de galego.
Presentación de solicitudes:
Os interesados que cumpran os requisitos esixidos deberán remiti-lo seu currículum, indicando a referencia que se indique segundo o posto, dirixido ó apartado de correos nº 5.195 Vigo-36200, antes do 17 de novembro de 2000. Deberá presentarse copia compulsada dos certificados de servicios prestados, dos diplomas acreditativos de cursos, e do título mínimo esixido para cada convocatoria.
Inicio das probas:
O exame teórico/práctico non se realizarán antes dun mes desde que se publique esta convocatoria, de acordo co disposto no artigo 4 da Lei 10/1996.
Os baremos estarán a disposición dos interesados no taboleiro de anuncios da fundación e tamén poderán solicitarse no fax: 981 54 67 28.
Rosa Álvarez de Blas
Directora de Xestión e Servicios Xerais da
Fundación Pública Urxencias Sanitarias
de Galicia-061
