A Sociedade de Imaxe e Promoción Turística de Galicia, S.A., (Turgalicia) anuncia a convocatoria para a contratación laboral fixa das seguintes prazas:
A1. Posto: secretario/a do conselleiro-delegado (Ref. SC-TUR).
1. Funcións principais: labores de secretariado ó servicio do conselleiro-delegado e labores de apoio ós órganos directivos da empresa.
2. Prazas: 1 (xornada completa).
3. Requisitos:
-FP II ou equivalente.
-Dominio de inglés e galego.
-Dominio de Word, Excel e Access 2000.
4. Valorarase:
-Coñecemento doutros idiomas.
-Currículum vitae.
-Dotes de organización.
5. Probas que hai que realizar:
-Proba escrita de inglés e galego.
-Proba de informática (Word, Excel, Access 2000).
-Entrevista persoal.
A2. Documentación que hai que presentar:
-Solicitude, indicando no sobre a referencia, dirixida ó xefe da área económica e de Persoal de Turgalicia (estrada Santiago de Compostela-Noia, Km 3. A Barcia. 15896 Santiago de Compostela).
-Currículum vitae.
-Acreditación orixinal dos méritos reflecidos nel. Os títulos obtidos no estranxeiro deberán estar validados en España.
A3. Prazo de presentación de solicitudes:
-O prazo de presentación de solicitudes será de 15 días naturais contados a partir do seguinte o da publicación deste anuncio no Diario Oficial de Galicia.
B1. Posto: profesor de idiomas (Ref. AL-0300).
1. Funcións principais: dependendo do responsable do departamento, participará na preparación das materias de alemán, incluíndo material docente,
así como na impartición de clases e na avaliación de alumnos.
2. Prazas: 1 (tempo parcial).
3. Requisitos:
-Titulación universitaria.
-Dominio oral e escrito do idioma alemán.
-Experiencia docente de 6 meses.
-Estadía de 6 meses en países onde o alemán sexa idioma oficial.
4. Valorarase:
-Currículo.
-Aptitude docente.
-Coñecementos de inglés e/ou francés.
-Coñecementos de ofimática para Windows.
-Capacidade de integración en grupos de traballo.
5. Probas que hai que realizar:
-Exame oral e escrito de alemán (eliminatorio).
-Impartición de clase.
-Planificación docente.
-Proba práctica de Microsoft Word 2000.
-Proba escrita e oral de inglés e/ou francés.
-Entrevista persoal.
-Cuestionario de personalidade.
B2. Documentación que hai que presentar:
-Solicitude indicando a referencia, dirixida ó director do CSGH (A Barcia. Estrada Santiago de Compostela-Noia, Km 3. Apartado 578. 15896 Santiago de Compostela).
-Currículo.
-Acreditación orixinal dos méritos reflecidos no C.V. Os títulos oficiais obtidos no estranxeiro deberán estar validados en España.
-Certificación académica que indique as cualificacións obtidas na titulación requirida e o número de convocatorias por materia.
B3. Prazo de presentación de solicitudes:
-O prazo de presentación de solicitudes será de 10 días hábiles contados a partir do seguinte ó da publicación deste anuncio no Diario Oficial de Galicia.
C) Selección:
-Expirado o prazo de presentación de solicitudes, o comité de selección designado publicará as listas previas de admitidos e excluídos ó proceso.
Santiago de Compostela, 15 de setembro de 2000.
Heriberto Verdes Vilaseca
Director xerente de Turgalicia, S.A.
