Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Barras Eléctricas Galaico-Asturianas, S.A.
Domicilio social: r/ Cidade de Viveiro, 4, 27002 Lugo.
Denominación: reforma de C.T.C. de Santalla.
Situación: Riotorto.
Descricións técnicas: liña de media tensión a 20 kV en conductor LA-56 de 20 m de lonxitude. Liña de media tensión subterránea a C.T. de Santalla en conductor R.H.V. de 8 m de lonxitude. Liña de baixa tensión con orixe no C.T.C. Santalla en conductor R.Z. de 100 m de lonxitude sobre apoios de formigón. Reforma de C.T. existe.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente ó seu dereito.
Lugo, 11 de setembro de 2000.
Jesús Bendaña Suárez
Delegado provincial de Lugo