A Comisión de Goberno do Concello de Santiago de Compostela, na sesión que tivo lugar o día 11 de setembro de 2000, aprobou inicialmente un estudio de detalle, formulado pola Universidade de Santiago de Compostela, para a ampliación da Facultade de Ciencias Económicas (reserva de equipamento universitario UD-7), sita na avenida do Burgo das Nacións.
En cumprimento do que dispón o artigo 44.3º da Lei 1/1997, do solo de Galicia (LSG), o expediente sométese a información pública durante o prazo dun mes, contado a partir do día seguinte ó da publicación deste anuncio no Diario Oficial de Galicia e nun periódico de circulación na provincia. Durante este prazo, os interesados poderán consulta-lo expediente na Sección de Planeamento e Xestión e formular por escrito as alegacións que xulguen oportunas.
A aprobación inicial do estudio de detalle determina automáticamente, por aplicación do disposto no artigo 34.2º da LSG, a suspensión do outorgamento de licencias no ámbito obxecto de ordenación para tódolos usos e obras que resulten incompatibles coa ordenación proxectada.
Santiago de Compostela, 26 de setembro de 2000.
Xosé A. Sánchez Bugallo
Alcalde