A Corporación Municipal deste Concello, en sesión do día 13 de setembro de 2000, prestoulle a súa aprobación inicial á modificación puntual das normas subsidiarias de planeamento deste concello no relativo ás variacións que comporta a redacción do Plan parcial de solo industrial, segunda fase do polígono industrial Chan da Ponte.

Exponse o expediente a información pública polo prazo dun mes, contado a partir do día seguinte ó da inserción deste anuncio no Diario Oficial de Galicia, co obxecto de que as persoas que se consideren prexudicadas ou afectadas poidan formula-las alegacións que estimen pertinentes.

Salvaterra de Miño, 18 de setembro de 2000.

Arturo Grandal Vaqueiro

Alcalde