Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: José López Freire Vila.

Domicilio social: As Pías, 27000 Lugo.

Denominación: L.M.T., C.T., R.B.T. conxelados Freire.

Situación: Lugo.

Características técnicas: liña de media tensión a 20 kV en conductor LA-56, de 162 metros de lonxitude. Centro de transformación de 160 kVA e relación de transformación 20.000/380-220 V. Liña de baixa tensión en conductor R.Z., de 400 metros de lonxitude, para servicio de colexio promotora educativa lucense.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.

Lugo, 3 de xullo de 2000.

Jesús Bendaña Suárez

Delegado provincial de Lugo