A Comisión de Goberno, en sesión que tivo lugar o 15 de setembro de 2000, adoptou, entre outros, o seguinte acordo:
1. Aprobar inicialmente o estudio de detalle dunha parcela no lugar de Pedralonga, presentado por Promotora Carballesa, S.A., aínda que deberán terse en conta as precisións sinaladas no informe técnico municipal.
2. Ordena-la publicación deste acordo na forma legalmente prevista.
O que se fai público para xeral coñecemento, co fin de que á vista do expediente se poidan formula-las alegacións que se consideren pertinentes durante o prazo dun mes, contado a partir do día seguinte ó da publicación deste anuncio do Diario Oficial de Galicia. O expediente pode consultarse no Servicio de Urbanismo, oficina de Planeamento, sito na avda. da Mariña, número 18, en horario laboral das 12 ás 14 horas, de luns a venres.
Os gastos de publicación serán satisfeitos por Promotora Carballesa, S.A.
A Coruña, 22 de setembro de 2000.
Salvador Fernández Moreda
Conselleiro delegado de Urbanismo