O Consello da Xerencia Municipal de Urbanismo, en sesión do día 3 de agosto de 2000, acordou aprobar inicialmente o estudio de detalle no ámbito das rúas Vía Norte, Pino e San Xosé (expte. 5824/411), presentado por Manuel Lorenzo Muradas e Hijos, S.A. y Otros, con datas do 24 de febreiro, 29 de marzo e 2 de xuño de 2000, e redactado polos arquitectos Tomás Pérez Lorente Quirós e Francisco Yáñez Ulloa, e visado polo COAG con datas do 22 de febreiro e do 30 de xuño de 2000.
Sométese o dito expediente ó trámite de información pública polo prazo mínimo dun mes, mediante inserción de anuncios no DOG, e nun dos xornais de maior circulación da provincia, significando que o prazo de exposición ó público se entenderá aberto desde a primeira publicación ata o remate do mes, contados desde o derradeiro anuncio. A documentación atópase na oficina de Información da Xerencia Municipal de Urbanismo ó dispor do público, planta baixa do edificio da Xerencia.
O anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou por ignorarse o seu enderezo, non poidan ser notificados persoalmente.
Vigo, 8 de setembro de 2000.
Lois Pérez Castrillo
Alcalde-presidente da Xerencia Municipal de Urbanismo