O Pleno do Concello de Santiago de Compostela, en sesión do 29 de xuño de 2000, aprobou definitivamente o proxecto de criterios compositivos das fachadas nas parcelas C1, C2, C3.1, C3.2 e C4 do SUP-4 de Conxo.

De conformidade co disposto no artigo 48.2º da Lei do solo de Galicia publicouse no BOP número 203, o día 4 de setembro de 2000, o texto íntegro da normativa.

Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interpoñerse recurso potestativo de reposición ante o Pleno do Concello no prazo dun mes, contado desde a mesma data.

Santiago de Compostela, 6 de setembro de 2000.

Xosé A. Sánchez Bugallo

Alcalde