O Pleno do Concello de Vigo, en sesión ordinaria do 29 de maio de 2000, acordou aprobar definitivamente o Plan especial de mellora do núcleo 19.01 Marcosende, na parroquia de Zamáns, e o catálogo anexo de elementos que se incluirán no inventario xeral do patrimonio cultural de Galicia, segundo a documentación corrixida á vista das alegacións, redactado polos arquitectos Gabriel Santos Zas e Elena Clavería Fontán.

De conformidade co artigo 48.2º da Lei 1/1997, do 24 de marzo, do solo de Galicia, o planeamento deberá publicarse no Diairo Oficial de Galicia e no BOP. Así mesmo, deberá publicarse no BOP o documento que conteña a normativa e as ordenanzas de aplicación.

Contra o devandito acordo, que pon fin á vía administrativa, poderá interpoñerse recurso contencioso-administrativo ante o Tribunal Superior de Xustiza de Galicia no prazo de dous meses contados a partir do día seguinte ó da publicación deste anuncio.

De conformidade co artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común por medio do presente anuncio, e publicación no taboleiro de edictos do concello, notifícaselle-lo acordo que nel se contén a tódolos propietarios que sexan descoñecidos, se ignore o lugar da notificación ou ben, intentada esta, non se puidese practicar.

Vigo, 4 de setembro de 2000.

Lóis Pérez Castrillo

Alcalde-presidente da Xerencia Municipal

de Urbanismo