Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Fenosa Distribución, S.A.
Domicilio social: avda. de Arteixo, 171, 15000 A Coruña.
Denominación: L.M.T.S., Sub., Sada-Vilar (Mosteirón).
Situación: Sada.
Descricións técnicas: liña eléctrica subterránea de media tensión, a 15/20 kV, baixo tubo e con conductor R.H.V 12/20 kV de 3 (1x240) mm Al, de 1.870 m de lonxitude, con orixe na subestación eléctrica de Sada e final no C.T. Mosteirón (expte. 10813), existente. Reforma do C.T. Mosteirón, de 400 kVA e tensións de 15/0,380-0,220 kV, con celas compactas SF6 en número de 3 en liña e 1 de Trafo. Sada .
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.
A Coruña, 22 de agosto de 2000.
Manuel Estévez Mengotti
Delegado provincial da Coruña en funcións