A Comisión de Goberno, en sesión do 8-9-2000, acordou inicia-los trámites para a contratación do servicio que seguidamente se indica, e para tal efecto aprobou o correspondente prego de cláusulas administrativa particulares, que se expón xunto co presente anuncio polo prazo de catro días para reclamacións, e ordenou anuncia-lo seguinte concurso público:
Entidade adxudicadora: Concello de Lalín. Praza do Concello, nº 1. 365000-Lalín. Teléfono: 986 78 70 60. Fax: 986 78 06 38.
Obxecto: servicios para a gardería infantil de Lalín.
Orzamento: establecerano os licitadores.
Duración do contrato: 1 ano (prorrogable ata un máximo de 4).
Modalidade de adxudicación: concurso público, procedemento aberto e tramitación urxente.
Garantía provisional: 500.000 ptas. (30,05 euros).
Exame do expediente: os licitadores poderán examina-lo expediente na secretaría xeral do concello, en horas de oficina, de luns a venres e ata o día anterior ó do remate do prazo de presentación de proposicións.
Lugar e prazo de presentación de proposicións: as proposicións presentaranse no rexistro xeral do concello ou na forma establecida no prego de condicións, dentro do prazo de 15 días naturais contados a partir do día da publicación do presente anuncio no BOP de Pontevedra en horario de 9 a 14 horas. As ofertas manteranse durante tres meses.
Apertura de proposicións: a apertura das proposicións terá lugar na Casa do Concello, ás doce horas do terceiro día hábil seguinte ó da finalización do prazo de presentación de ofertas; para estes efectos considéranse os sábados como días inhábiles.
O pagamento deste anuncio será por conta do adxudicatario.
Lalín, 9 de setembro de 2000.
Lucita Villar Jar
Concelleira delegada