Visto o expediente instruído para efectos de modificación dunha granxa mariña, apreciáronse os seguintes.

a) Feitos.

Primeiro: mediante escrito de data 24-9-1998, José Bretón Fernández (DNI: 32.387.418), en repre

sentación de Luso Hispana de Acuicultura, S.L., solicita autorización para modificación da granxa mariña para engorde de salmón situada en Valdoviño, da que é titular.

Segundo: o interesado achegou a documentación requirida para a tramitación deste tipo de expedientes.

Terceiro: no expediente consta a seguinte documentación.

-Licencia de obras do Concello de Valdoviño.

-Autorización da Consellería de Medio Ambiente.

-Informe ambiental da Dirección Xeral de montes e Medio Ambiente Natural.

-Informes técnico-biolóxico e técnico-xurídico.

b) Fundamentos de dereito.

Este órgano é competente para resolve-lo expediente de conformidade coa Lei 6/1993, do 11 de maio, de pesca de Galicia (DOG nº 101), co Decreto 193/1997, do 5 de xuño, polo que se determinan as condicións para o outorgamento do permiso de actividade para os establecementos de cultivos mariños e auxiliares situados na zona terrestre (DOG nº 142).

Vistas as disposicións citadas, a proposta de resolución da Delegación Territorial da Coruña, o artigo 89 da Lei 30/1992, do 26 de novembro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería

RESOLVE:

Autorizar na granxa mariña outorgada por Orde do 21-09-1987 (DOG nº 234), situada no lugar do Porto-Meirás, Concello de Valdoviño (A Coruña), titularidade de Luso Hispana de Acuicultura, S.L. (CIF: B36824811), as modificacións que se indican:

Primeira.-Cambio de especies.

Substitución do cultivo de salmón atlántico (Salmo salar) polo de rodaballo (Scophtalmus maximus L.).

Segunda.-Modificación da capacidade.

Producción: 300 Tn/ano.

Terceira.-Ampliación da actividade de granxa mariña, outorgando permiso de actividade para a posta en funcionamento e explotación dunha unidade de criadoiro.

Especie: Rodaballo (Scophtalmus maximus L.).

Capacidade: 1.000.000 alevíns/ano.

Remate da vixencia: 4-12-2007.

Baixo as seguintes condicións:

Primeira: as obras e instalacións levaranse a cabo conforme o proxecto presentado denominado Transformación dunha planta de engorde de salmón baseada en terra, nunha planta de preengorde e engorde de rodaballo Scophtalmus maximus L ., obra do enxe

nieiro técnico agrícola Ramón Candia Rego, visada polo colexio profesional con data 29-12-1988 (nº 597). Poderán dar comezo no momento no que o titular dispoña das autorizacións preceptivas dos distintos organismos competentes na materia e deberán quedar totalmente rematadas no prazo de dous anos, contados desde a día seguinte ó da publicación da presente resolución.

Segunda: a execución das obras e instalacións farase de acordo co disposto no artigo 5 da Orde do 27 de marzo de 2000 pola que se regula o procedemento para o outorgamento do permiso de actividade a establecementos de cultivos mariños e auxiliares na zona terrestre (DOG nº 67).

Terceira: rematadas as obras o titular deberá comunicar, mediante escrito dirixido á Dirección Xeral de Recursos Mariños, a data de posta en funcionamento, que terá lugar no prazo máximo de tres (3) meses contados desde o día seguinte ó da aprobación do recoñecemento final. O citado prazo poderá ser prorrogado, logo de petición do interesado, sempre que existan razóns que xustifiquen a demora no inicio da explotación.

Cuarta: se transcorrido o prazo sinalado para a posta en funcionamento esta non se realizara por causas non xustificadas, a consellería poderá inicia-los trámites para a declaración da caducidade do permiso de actividade.

Sexta: o establecemento non poderá destinarse usos distintos dos autorizados. Baixo ningún concepto se poderá modifica-las instalacións sen permiso expreso desta consellería.

Sétima: a presente autorización non supón modificación da ocupación de dominio público autorizada na orde inicial de outorgamento do permiso de actividade da granxa mariña.

Oitava: o permiso de actividade ó que se refire esta resolución extinguirase polo incumprimento dalgunha das condicións dela e nos casos previstos no artigo 72, da Lei 6/1993, de pesca de Galicia, e no Decreto 193/1997, do 5 de xuño.

Novena: o outorgamento desta autorización non exime o seu titular da obtención das licencias, permisos e autorizacións legalmente procedentes, esixibles por outros organismos en funcions das características do establecemento.

Contra esta resolución, que esgota a vía administrativa, poderase interpoñer recurso postestativo de reposición, no prazo dun mes, ante o conselleiro de Pesca, Marisqueo e Acuicultura, ou recurso contencioso-administrativo, ante a xurisdicción conteciosa-administrativa, no prazo de dous meses, contados en ámbolos dous casos desde o día seguinte ó da súa publicación, de conformidade co disposto no artigo 116 da Lei 30/1992, de 26 de novembro, modificada por Lei 4/1999, de réxime xurídico das administracións públicas e do procedemento administrativo común e o art. 46.1º da Lei 29/1998, de

13 de xullo, da xurisdicción contencioso-administrativa.

Santiago de Compostela, 27 de xullo de 2000.

P.O. (17-12-1997, DOG nº 246 do 22 de decembro)

Javier Pereiro Muñoz

Director xeral