Faise público para xeral coñecemento que o Pleno da Corporación, en sesión ordinaria do 27 de xullo de 2000, acordou prestar aprobación inicial ó expte. 38/1999 PMP de modificación puntual das normas subsidiarias de planeamento deste municipio, no ámbito das unidades de actuación 17-2 e 17-3, promovido de oficio, que queda sometido a información pública por prazo dun mes, contado a partir do día seguinte ó da publicación do presente anuncio, durante o cal as persoas interesadas poderán examina-lo seu contido nas dependencias do Servicio de Urbanismo, e, se o consideran oportuno, presenta-las alegacións que estimen convenientes.

Para lle dar cumprimento ó disposto no art. 34 da Lei 1/1997, do solo de Galicia, queda suspendido o outorgamento de licencias de edificación, parcelación e demolición no ámbito territorial afectado pola aludida modificación puntual, mentres non se produza a aprobación definitiva súa.

Ó propio tempo e ante a eventualidade de que poidan existir interesados descoñecidos neste procedemento, sirva o presente de notificación, coa finalidade e alcance que se recollen no número 4 do artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Arteixo, 8 de agosto de 2000.

P.D. (Decreto 587/1999)

Mª Isabel Vila Vilas

Primeira tenente de alcalde