No BOP de Pontevedra nº 145, do 31 de xullo do 2000, publícanse as bases xerais e específicas para cubrir postos de traballo laborais vacantes incluídos na ampliación da oferta de emprego público deste concello, para o ano 1999. Os devanditos postos son:

1 praza de director pedagóxico para a súa cobertura por promoción interna.

1 praza de director do parque da aula da natureza par a súa cobertura por promoción interna.

1 praza de auxiliar administrativo para a súa cobertura por quenda libre.

1 praza de director administrador para a súa cobertura por quenda libre.

1 praza de coordinador de servicios para a súa cobertura por quenda libre.

Ábrese un prazo de 20 días naturais contados a partir do día seguinte ó da publicación deste anuncio no Diario Oficial de Galicia, coa finalidade de que os interesados presenten solicitudes e demais documentación (de acordo co artigo 5 das bases) no rexistro xeral do concello ou ben na forma prevista no artigo 38 da Lei 30/1992, de réxime xurídico das

administracións públicas. As bases para a súa consulta estarán á disposición dos interesados na secretaría xeral do concello.

Ponteareas, 2 de agosto de 2000.

José Castro Álvarez

Alcalde