Na data 6 de xullo de 2000, a Dirección Xeral de Industria da Consellería de Industria e Comercio da Xunta de Galicia autorizou as instalacións do proxecto Addenda III ó proxecto de instalacións do ramal Pontevedra-Ourense (ramal ó Carballiño) e a súa revisión nº 1, que discorre polo termo municipal do Carballiño. Declarada a utilidade pública e urxente ocupación, de conformidade co disposto no artigo 103 e 104 da Lei 34/1998, do 7 de outubro, do sector de hidrocarburos, procede a iniciación do expediente expropiatorio.

Na súa virtude, esta delegación provincial, en cumprimento do disposto no artigo 52 da Lei de expropiación forzosa, do 16 de decembro de 1954, acordou convoca-los titulares dos bens e dereitos afectados para que comparezan na casa do concello onde radican os predios afectados, como punto de reunión para, con independencia de desprazarse posteriormente ó terreo e de conformidade co procedemento que establece o citado artigo, levar a cabo o levantamento das actas previas á ocupación e, se procedera, o das de ocupación definitiva.

Tódolos interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados por persoa debidamente autorizada, achegando os documentos acreditativos da súa titularidade mailo último recibo da contribución, podéndose acompañar, pola súa conta, dos seus peritos e un notario, se o consideran oportuno.

Para o levantamento das actas os afectados deberán comparece-los vindeiros días 19 e 20 de setembro de 2000 no Concello do Carballiño, a partir das 9 horas.

Para tal efecto a cada interesado remitiráselle unha citación por correo certificado con xustificante da recepción, sinalándolle a data en que deberá de concorrer e igualmente publicarase no taboleiro de anuncios do concello a relación de afectados, con indicación da data sinalada a cada un deles.

É de significar que esta publicación se realiza igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de notificación do presente acordo ós titulares descoñecidos e máis a aqueles con domicilio descoñecido dos predios que se describen no anexo.

No expediente expropiatorio, Enagás, S.A. asumirá a condición de beneficiaria, coas obrigas e dereitos establecidos nos artigos 2.2º da Lei de expropiación forzosa e 5 do seu regulamento.

Ourense, 21 de xullo de 2000.

Alfredo Cacharro Pardo

Delegado provincial de Ourense

Convocatoria actas previas á ocupación

Proxecto Addenda III ó ramal Pontevedra-Ourense, ramal ó Carballiño

Termo municipal: O Carballiño.

Convocatoria actas previas á ocupación

Proxecto Addenda III ó ramal Pontevedra-Ourense, ramal ó Carballiño

Instalacións auxiliares - abreviaturas utilizadas: PO=posición.

Termo municipal: O Carballiño.

Convocatoria actas previas á ocupación

Proxecto revisión nº 1, ramal ó Carballiño

Termo municipal: O Carballiño.