Aprobado pola Comisión de Goberno do Concello de Meis o prego de condicións xurídicas e económico-administrativas que rexerán a contratación, por concurso, procedemento aberto e tramitación urxente, da seguinte obra:
-Camiño de acceso a Saramagoso, A Igrexa, A Medoña, O Pazo de Meis e outros, do PPOS-2000.
Tipo de licitación: 11.664.910 pesetas.
Queda exposto ó público durante catro días hábiles, contados desde o seguinte ó da publicación do último anuncio no BOP ou no Diario Oficial de Galicia, co obxecto de presentación de reclamacións.
Simultaneamente anúnciase concurso público, aínda que a licitación se aprazará no caso de presentarse reclamacións ós pregos de cláusulas administrativas.
a) Obxecto e prezo de licitación: descritos no parágrafo anterior.
b) Tramitación, procedemento e forma de adxudicación do expediente: tramitación: urxente; procedemento: aberto; forma: concurso.
c) Garantías:
-Provisional: 2% do tipo de licitación.
-Definitiva: 4% do importe da adxudicación.
d) Prazo de execución: seis meses.
e) Obtención de documentación e información: o modelo de proposición, pregos de cláusulas administrativas e demais documentación están á disposición dos interesados nas oficinas municipais tódolos días hábiles, das 9 ás 14 horas.
f) Presentación de proposicións: nas oficinas deste concello das 9 ás 14 horas, no prazo de trece días naturais a partir do seguinte ó da publicación do último anuncio no BOP ou no Diario Oficial de Galicia.
g) Criterios de adxudicación: melloras no proxecto técnico. Obras de natureza análoga.
h) Apertura de proposicións: no salón de sesións do concello, ás 12 horas do día 14 de setembro de 2000.
Meis, 28 de xullo de 2000.
O alcalde
Rubricado