Por Orde do 12 de abril de 2000 (DOG do 5 de maio) convócanse axudas económicas para as corporacións locais que sexan titulares de escolas-fogar e regúlase o seu outorgamento no presente exercicio económico.
A comisión constituída segundo establece o punto quinto da orde da convocatoria, en reunión celebrada o día 30 de xuño de 2000, acordou propoñe-la adxudicación das ditas axudas por tanto esta consellería
DISPÓN:
Primeiro.-Adxudicarlles axudas ós concellos titulares de escolas fogar solicitantes que se relacionan no anexo I desta orde, nas contías que se indican.
Segundo.-Para facer efectivo o pagamento das axudas, os beneficiarios presentarán antes do 30 de outubro de 2000, a completa xustificación dos gastos mediante orixinais ou fotocopias cotexadas de facturas, contratos, nóminas, Seguridade Social, etc.
As xustificacións das axudas serán dirixidas á Dirección Xeral de Centros e Inspección Educativa. Rúa San Lázaro, nº 107. 15771 Santiago de Compostela.
Cuarto.-Contra esta orde, que esgota a vía administrativa, os interesados poderán interpor recurso potestativo de reposición ante o conselleiro de Educación e Ordenación Universitaria no prazo dun mes, contado a partir do día seguinte ó da súa publicación
no Diario Oficial de Galicia, segundo o disposto na Lei 4/1999 (BOE do 14 de xaneiro) de modificación da Lei 30/1992, de réxime xuirídico das administracións públicas e do procedemento administrativo común, ou ben os interesados poderán presentar directamente recurso contencioso-administrativo, ante o Tribunal Superior de Xustiza de Galicia, no prazo de dous meses contados a partir do día seguinte ó da súa publicación, conforme se establece na Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 31 de xullo de 2000.
Celso Currás Fernández
Conselleiro de Educación e Ordenación
Universitaria
ANEXO I
Concello da Fonsagrada: 1.119.802 ptas.
Concello de Sarria: 3.030.198 ptas.