A Comisión Municipal de Goberno, en sesión celebrada o día vintesete de xullo de dous mil, aprobou definitivamente o proxecto de urbanización da rúa no cuarteirón comprendido entre a rúa Xeneral Mola, rúa do Camposanto e rúa da Fábrica, conforme o acordo que transcrito literalmente di:
4º.-VII.-Obras e xestión urbanística.
Proxecto urbanización. Dáse conta do proxecto de urbanización da rúa no cuarteirón comprendido entre a rúa Xeneral Mola, rúa do Camposanto e rúa da Fábrica, que foi exposto a información pública polo prazo de quince días durante os cales non se produciron reclamacións; emitidos os informes técnicos e xurídicos, a comisión municipal de goberno, por unanimidade, acordou:
Primeiro: aprobar definitivamente o proxecto de urbanización da rúa no cuarteirón comprendida entre a rúa Xeneral Mola, rúa do Camposanto e rúa da Fábrica, redactado polo arquitecto Manuel A. Echevarría Ulargui.
Segundo: que se publique o presente acordo no Diario Oficial de Galicia e que se lles notifique ós interesados con sinalamento dos recursos procedentes.
O que se fai público para a efectividade deste, en cumprimento do preceptuado no artigo 141.4º do Regulamento de planeamento urbanístico.
Ordes, 1 de agosto de 2000.
Teodosio Martino Martino
Alcalde