Acordo do 26 de xullo de 2000, da Comisión de Goberno Municipal de Ferrol, polo que se anuncia a contratación, polo procedemento aberto, mediante concurso, para a subministración e instalación de xogos infantís para os colexios públicos.
Obxecto: subministración e instalación de xogos infantís para os colexios públicos.
Orzamento base de licitación: 10.000.000 de ptas. (IVE e demais gastos incluídos).
Forma de adxucicación: concurso por procedemento aberto.
Prazo de entrega: 30 días naturais contados a partir do seguinte á data de sinatura do contrato.
Garantías: provisional: 200.000 ptas. Definitiva: 4% do prezo de adxudicación.
Obtención de documentación e información: o expediente desta contratación, así como a documentación técnica unida a el poderán ser examinados no Negociado de Educación, sito na casa do concello, en horas de 9 a 13.30 dentro do prazo de licitación.
Presentación de ofertas: o prazo de presentación é de 15 días naturais, contados a partir do día seguinte ó da publicación deste anuncio no Diario Oficial de Galicia. Se este último día de prazo coincidise en sábado, domingo ou festivo, trasladarase ata o seguinte día hábil. Deberán ser entregadas das 9 ás 13.30 horas, no rexistro xeral da casa do concello, en 3 sobres pechados, coa documentación e requisitos esixidos no prego.
Gastos do anuncio: serán por conta do adxudicatario.
Ferrol, 28 de agosto de 2000.
O alcalde
Rubricado