O Pleno do Concello de Salceda de Caselas, na sesión celebrada o pasado día 28 de xuño de 2000, adoptou o seguinte acordo:

1. Rexeita-la reclamación presentada polo grupo político municipal do BNG, co rexistro de entrada nº 55 de 22-1-2000.

2. Aproba-lo novo texto da ordenanza SU-02, redactada polo arquitecto redactor das NSPM, Arturo Conde Aldemira, as cales foron remitidas á Consellería de Política Territorial, Obras Públicas e Vivenda e informadas favorablemente por esta consellería.

3. Aprobar definitivamente a modificación puntual número 2 das NSPM anexo a ordenanza SU-02, de edificación illada.

Contra o devandito acordo, que pon fin á vía administrativa, poderá interpoñerse recurso contencioso-administrativo, no prazo de dous meses contados desde o día seguinte ó da publicación deste anuncio, ante o Xulgado do Contencioso-Administrativo de Pontevedra.

Así mesmo, o presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común para todos aqueles propietarios que sexan descoñecidos, se ignore o lugar de notificación ou, intentada esta, non se puidese practicar.

Salceda de Caselas, 1 de agosto de 2000.

José M. Fernández Rodríguez

Alcalde