O Pleno da Corporación Municipal, en sesión ordinaria celebrada o día 30 de xuño deste ano, aprobou inicialmente, por unanimidade, o Plan xeral de ordenación urbana de Lousame, sendo este o texto do acordo:
Primeiro.-Concluída a fase de elaboración do PXOM; tendo en conta que o avance foi exposto ó público por un período de tempo suficiente; que o expediente foi remitido para informe á CPTOPV, Consellería de Cultura e Consellería de Medio Ambiente; tendo transcorrido o prazo dun mes que determina o artigo 41.3º LSG; o Pleno da Corporación Municipal aproba inicialmente o Plan Zeral de ordenación municipal que consta dos seguintes documentos:
-Memoria de información, de 160 páxinas a unha cara de 95 cadros estatísticos.
-Catálogo de elementos que se van protexer, de 136 páxinas a unha cara.
-Memoria de ordenación, de 47 páxinas a unha cara.
-Orde de prioridades e estudio económico financeiro, de 15 páxinas a unha cara.
-Normativa urbanística, de 164 páxinas a unha cara.
Planos.
Escala 1:20003
Escala 1:500019
22
Segundo.-Habilitar período dun mes contado a partir do seguinte de publicación no DOG do anuncio que se publicará tamén no xornal de maior circulación da provincia.
Terceiro.-a) Suspender todo procedemento de concesión de licencias nas áras de Portobravo-Cruído; San Roquiño-Sanguiñal-Tállara-Cernande; e Merelle-Meixonfrío, na extensión que figura na planimetría dos indicados núcleos, planos 2.1, 2.2, 2.3, agás obras de mera conservación e similares.
b) Ratifica-la suspensión, tal e como foi acordada en sesión do 16 de maio do presente ano; beiras dos ríos Vilacova e San Xusto e zona Pétrea de San Lourenzo ata Moimenta.
c) A duración da suspensión será dun (1) ano, salvo que o PXOM se aprobe definitivamente en período inferior.
O que se fai público, en cumprimento do disposto no artigo 42.1º da LSG para que tódolos interesados, -entidades ou particulares-, poidan examina-lo documento, que estará ó seu dispor na oficina de urbanismo, durante trinta (309 días hábiles, presenta-las alegacións que teñan por conveniente.
Lousame, 12 de xullo de 2000.
José R. Vidal Castelo
Alcalde