De conformidade co disposto no artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselle á persoa que no anexo se menciona que, con esta data, resolvín publica-lo acordo de iniciación do procedemento sancionador por infracción a Lei 81/1968, do 5 de decembro, sobre incendios forestais, e o seu regulamento aprobado polo Decreto 3769/1972, do 23 de decembro (BOE do 13 de febrero de 1973), por non ser posible a notificación a través do servicio de correos.

Noméase instructor deste procedemento a Javier Ruíz de Almirón Schlung, funcionario desta delegación; poden ser recusado en calquera momento do expediente de concorreren os supostos legais.

O interesado disporá dun prazo de quince días, contados a partir do seguinte ó da publicación desta notificación, para achegar, por escrito, cantas alegacións, documentos, informacións ou propostas de probas considere convenientes en defensa dos seus dereitos.

Conforme o establecido no artigo 13.2º do Regulamento do procedemento para o exercicio da potestade sancionadora, do 4 de agosto de 1993, de non efectuarse alegacións no prazo anterior, este acordo de iniciación poderá ser considerado proposta de resolución, determinándose para estes efectos o importe da sanción.

O pagamento voluntario porá fin ó expediente. Para efectualo deberá emprega-los impresos normalizados que lle serán facilitados na Delegación Provincial de Lugo, edificio. adtvo. da Xunta de Galicia - Ronda da Muralla, nº70.

O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).

Lugo, 19 de xullo de 2000.

Luis González Vázquez

Delegado provincial de Lugo

ANEXO

-Expediente: IF 102/2000.

DNI: 33.690.696.

Denunciado: José García Pena.

Último enderezo coñecido: Santa Mariña, 11-Outeiro de Rei-Lugo.

Feitos imputados: realizar unha queima con autorización, escapándose o lume a un predio colindante; arden 600 m de monte raso e ten que actuar persoal do SDCIF.

Precepto sancionador: artigo 138.c) do Regulamento de incendios.

Cualificación: moi grave.

Sanción: 15.000 ptas.