Aprobado pola Comisión de Goberno deste concello, en sesión do día 11 de agosto do ano en que estamos, o prego de cláusulas administrativas particulares que deben rexer na contratación da prestación do servicio de limpeza do centro de saúde e casa do concello, exponse ó público na secretaría deste concello, polo prazo de oito días contados a partir do seguinte ó da última publicación deste anuncio no BOP ou no Diario Oficial de Galicia, para efectos de exame e reclamacións.

Simultaneamente, anúnciase a contratación da dita obra, se ben no suposto de presentárense reclamacións contra o prego de cláusulas, o concurso aprazarase cando resulte necesario, ata que sexan resoltas pola propia Corporación.

1. Entidade adxudicadora.

a) Organismo: Concello de Samos (Lugo).

b) Dependencia que tramita o expediente: secretaría xeral.

2. Obxecto do contrato.

A prestación do servicio de limpeza do centro de sáude e Casa do Concello de Samos (Lugo).

3. Tramitación, procedemento e forma de adxudicación.

a) Tramitación: urxente.

b) Procedemento: aberto.

c) Forma: concurso.

4. Duración do contrato.

Un ano prorrogable por anualidades sucesivas, segundo a cláusula 4 do prego.

5. Orzamento base de licitación: 700.000 pesetas anuais, IVE incluído.

6. Garantías.

Provisional: 2% do orzamento de licitación (14.000 pesetas).

Definitiva: 4% do orzamento de adxudicación.

7. Obtención de documentación e información.

Concello de Samos. Praza de España nº 1. 27620-Samos (Lugo). Teléfono: 982 54 60 02.

8. Presentación de ofertas.

a) Data límite de presentación: trece días naturais, contados a partir do seguinte ó da publicación do anuncio de licitación no BOP de Lugo no Diario Oficial de Galicia, tomando como día para o inicio do prazo o seguinte ó da última publicación.

9. Documentación que hai que presentar: a esixida no cláusula 15 do prego de cláusulas administrativas particulares.

10. Requisitos específicos do contratista.

-Clasificación: non se esixe.

-Solvencia económico-financeira e técnica: acreditarase de conformidade co establecido na cláusula 16 do prego.

11. Apertura de ofertas: no salón de sesións do Concello de Samos, ás doce horas do terceiro día hábil seguinte a aquel no que remate o prazo de presentación de proposicións, agás se é sábado, que se realizará o día hábil seguinte.

12. Gastos de anuncios: serán por conta do adxudicatario.

Samos, 17 de agosto de 2000.

Carlos R. Belón Ares

Alcalde