A Comisión Municipal de Goberno en sesión ordinaria do día 6 de abril de 2000 adoptou, entre outros, o seguinte acordo:
1. Inicia-lo expediente de expropiación forzosa dos bens e dereitos afectados para a execución do proxecto de urbanización da UA nº 4 do SU-23 do PXOU, polo procedemento de taxación conxunta.
2. Expoñer ó público o expediente de expropiación forzosa dos bens e dereitos afectados para a execución do proxecto de urbanización da UA nº 4 do SU-23 do PXOU mediante anuncio no Diario Oficial de Galicia e nun periódico dos de maior circulación da provincia, por espacio dun mes, para que os que poidan resultar interesados formulen as observacións ou reclamacións que coiden convenientes, en particular sobre o que concirne á titularidade e valoración dos seus respectivos dereitos.
3. Notificarlles individualmente ós que aparezan como titulares de bens e dereitos no expediente, mediante traslado literal da correspondente folla de valoración e da proposta de fixación dos criterios de valoración, para que poidan formula-las alegacións no prazo dun mes.
Relación de propietarios afectados.
Nº predio: 1.
Propietario: José Rodríguez Álvarez.
Prezo xusto: 1.423.522 ptas.
Ourense, 12 de abril de 2000.
Manuel Cabezas Enríquez
Alcalde