A Dirección Xerencia de Atención Primaria de Lugo, en virtude das atribucións que lle foron delegadas conforme o establecido no artigo 7 da Orde do 21 de abril de 1998 (DOG nº 88, do 11 de maio),

e unha vez cumpridos os trámites administrativos correspondentes, resolve anuncia-la contratación do servicio que a seguir se cita.

Obxecto: adquisición de aparellos e dispositivos para equipamento nos distintos centros dependentes desta Xerencia de Atención Primaria de Lugo, de acordo co contido do prego de prescricións técnicas e normas complementarias C.P. 5/2000.

Orzamento: máximo autorizado de cinco millóns cento corenta e dúas mil catrocentas cincuenta pesetas (5.142.450 ptas.) (IVE incluído) (30.906,75 euros).

Forma de adxudicación: concurso público, procedemento aberto polo trámite de urxencia.

Prazo de execución do contrato: desde a formalización.

Admisión de variantes: non se admiten variantes.

Documentos de interese para os licitadores: o prego de cláusulas administrativas particulares e demais documentación complementaria estarán de manifesto e á disposición dos concursantes para o seu exame nos Servicios de Subministracións da Xerencia de Atención Primaria de Lugo, praza de Ferrol, nº 11, 4ª planta, 27001 Lugo. Teléfono: 982 29 63 29 e 982 29 63 96; fax: 982 29 62 28; tódolos días laborables, agás sábados, de 9 a 14 horas.

Garantía provisional: 2% do orzamento máximo.

Solvencia económica e financeira: acreditarase por algún dos documentos sinalados na folla de especificacións do prego.

Solvencia técnica: acreditarase por algún dos documentos sinalados na folla de especificacións no prego.

Criterios de adxudicación:

1. Prezo: 11 puntos.

2. Calidade: 9 puntos.

Na calidade valoraranse, entre outros:

a) Amplitude do prazo de garantía.

b) Características funcionais.

c) Servicio técnico; prezo por km e hora de traballo, prezo dos recambios e tempo de resposta.

d) Melloras na capacidade ou nas características dos equipos.

Clasificación: non se precisa.

Presentación de proposicións: as proposicións deberán ser presentadas en man, en sobre pechados e asinados polo licitador ou persoa que o represente, no Rexistro da Xerencia de Atención Primaria de Lugo, antes das 14 horas do oitavo día natural, contado a partir do seguinte ó da publicación desta resolución no DOG, ou enviadas por correo dentro do prazo sinalado.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle á Xerencia de Atención Primaria a remisión da oferta mediante fax: 982 29 62 28, ou telegrama no mesmo día, de conformidade co artigo 100 do Regulamento xeral de contratación do Estado.

Apertura de proposicións: terá lugar no salón de actos desta Xerencia de Atención Primaria de Lugo a partir das 8.30 horas do décimo primeiro día natural contado desde o seguinte a aquel en que remate o prazo de presentación de ofertas; no caso de que o dito día coincida en sábado ou festivo, a apertura das proposicións terá lugar o día hábil seguinte.

Documentación que achegarán os licitadores: os documentos que figuran no prego de cláusulas administrativas particulares.

Anuncios: o pagamento do anuncio do presente concurso público será por conta do adxudicatario do contrato.

Lugo, 26 de xullo de 2000.

Lorenzo Armenteros del Olmo

Director xerente de Atención Primaria de Lugo