En relación coa convocatoria para a constatación da capacitación profesional para o exercicio das actividades de transportista por estrada, axencia de transporte de mercadorías, transitario e almacenista-distribuidor, convocadas por Resolución do 20 de xaneiro de 2000 da Dirección Xeral de Transportes (DOG nº 24, do 4 de febreiro).

Este tribunal resolveu:

Primeiro.-Elevar a definitivas e publica-las listas de aprobados nas actividades de transportista por estrada, axencia de transporte de mercadorías, transitario e almacenista-distribuidor, que se encontran expostas nos taboleiros de anuncios da Dirección Xeral de Transportes, nas delegacións provinciais da Consellería de Política Territorial, Obras Públicas e Vivenda e nos servicios provinciais de transportes.

Segundo.-Contra esta resolución os interesados poderán interpoñer recurso de alzada no prazo dun mes, contado a partir da súa publicación no Diario Oficial de Galicia, ante o conselleiro de Política Territorial, Obras Públicas e Vivenda, conforme o establecido no artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 17 de agosto de 2000.

Juan Carlos Villarino Tejada

Presidente do tribunal