O Pleno do Concello, en sesión do día 27 de xullo de 2000, adoptou o acordo de aprobar inicialmente a modificación puntual das normas subsidiarias de planeamento, relativas á recalificación dunha zona de Andrade a solo apto para urbanizar de uso industrial, promovida por Ediciones Informatizadas, S.A. (Einsa), e de somete-lo expediente a información pública durante un mes, mediante anuncio no Diario Oficial de Galicia e nun diario de ampla circulación da provincia.
As áreas obxecto da modificación do planeamento, nas que as novas determinacións supoñen modificación do réxime urbanístico vixente e que, polo tanto, quedan afectadas pola suspensión de licencias a que se refire o artigo 34.2º da Lei do solo de Galicia e o artigo 120 do Regulamento de planeamento, son as seguintes:
Terreos comprendidos na seguinte delimitación: norte, solo non urbanizable de protección forestal; sur, estrada de Campolongo a Monfero; leste, camiño veciñal de servicio e parcelas números 565, 567 e 571, e oeste, camiño veciñal de servicio. A extensión superficial da extensión é de 7,91 hectáreas e comprende os predios seguintes: 526, 527, 566 do 572 ó 695, incluídos ámbolos dous, 615, 616 e do 628 ó 646 ámbolos dous incluídos.
A suspensión terá un ano de duración.
Pontedeume, 4 de agosto de 2000.
Belarmino Freire Bujía
Alcalde