A Comisión de Goberno, en sesión celebrada o 19 de xullo de 2000, adoptou, entre outros, o seguinte acordo:
«1. Aprobar inicialmente o estudio de detalle promovido por Josefa Amelia Lalín Pichel, na rúa San Andrés, 21, que ten como finalidade a rectificación dunha aliñación interior das establecidas no plan de ordenación, para adecuar esta á fixada nos alzados da edificación do mesmo documento.
2. Ordena-la publicación do presente acordo na forma legalmente prevista.».
O que se fai público para xeral coñecemento, co fin de que, á vista do expediente, se poidan formula-las alegacións que se consideren pertinentes durante o prazo dun mes contado a partir do día seguinte ó da publicación deste anuncio no Diario Oficial de Galicia. O expediente pode consultarse no Servicio de Urbanismo, oficina de Planeamento, sito na avenida da Mariña, número 18, en horario laboral de 11.30 a 13.30 horas, de luns a venres.
Os gastos de publicación deste anuncio serán satisfeitos polo seu promotor.
A Coruña, 21 de xullo de 2000.
Salvador Fernández Moreda
Concelleiro delegado de Urbanismo